Пойтахтдаги транспорт оқимлари оптималлашади

Отправить другу   Версия для печати

Gazeta.uz  сайти хабар беришича, ҳукумат Тошкент шаҳридаги транспорт инфратузилмаси объектларини қуриш ва реконструкция қилиш бўйича комплекс чора-тадбирлар дастурини тасдиқлади.

Вазирлар Маҳкамасининг 26 январдаги қарори билан жорий йилнинг охиригача мўлжалланган Тошкентдаги транспорт инфратузилмаси объектларини қуриш ва реконструкция қилиш бўйича комплекс чора-тадбирлар дастури тасдиқланди.

Таҳририят танишиб чиққан ҳужжатда қайд этилишича, тасдиқланган чора-тадбирлар аҳолининг транспорт хизматларига бўлган эҳтиёжини тўлароқ қондиришга, транспорт чиқимларини камайтиришга, алоҳида транспорт турларининг ташиш қобилиятини оширишга ва транспортнинг атроф-муҳитга зарарли таъсирини камайтиришга қаратилган.

Алоҳида эътибор ер устида ҳаракатланувчи шаҳар электр йўловчи транспорти, хусусан трамвайлар (шаҳардаги троллейбус ҳаракати ўтган йилнинг май ойида тўхтатилган) ҳаракатининг схемасини оптималлаштиришга қаратилмоқда. Янги трамвай линияларини қурилиши бошланиши ҳақида «Газета.uz» сайтида ёзилганди.   

Март ойини ҳам ўз ичига олувчи қурилиш ишларининг биринчи навбати доирасида Тошкент кичик халқа автомобил йўли бўйлаб Тараққиёт кўчасидан (эски ТошМИ) Қушбеги даҳаси орқали Муқимий кўчасигача узунлиги 7,1 км ни ташкил этувчи трамвай йўли қурилади.

Апрель ойида тугалланиши режалаштирилаётган иккинчи навбат эса автомобил йўлини 30 м гача кенгайтириш ишларини амалга оширишни ва Самарқанд Дарвоза кўчаси бўйлаб Асадулла Хўжаев кўчасидан Оқтепа майдонигача узунлиги 2,7 км ни ташкил этувчи ҳамда тегишли инфратузилмага эга трамвай линияси қурилишини кўзда тутади.

Шунингдек, йил охиригача кенг миқёсли лойиҳанинг учинчи ва тўртинчи навбатлари амалга оширилиши керак – яъни Бешқайрағоч кўчаси бўйлаб Тошкент халқа йўлидан Ибн Сино даҳасигача узунлиги 3,6 км ни ташкил этувчи трамвай линияси қурилади ҳамда Фарғона Йўли кўчасидан тортиб то Олимкент кўчасигача узунлиги 2,5 км ни ташкил этувчи трамвай линиясини ётқизилиб, йўллар реконструкция қилинади.

Феврал ойининг ўртасигача ер участкаларини бўшатиш, муҳандислик коммуникацияларини қайта барпо этиш ҳамда транспорт инфратузилмасини қуриш ва реконструкция қилиш ҳудудида жойлашган биноларни бузиш кўзланмоқда.

Шаҳар ҳокимиятига бузиладиган тураржой ва тураржой бўлмаган биноларнинг эгаларига пул маблағлари, ер участкаларини ажратиш ва хоналар ва уйлар тақдим этиш кўринишида компенсация ажратилишини таъминлаш топширилган.

Ёз мавсуми бошларигача умумий узунлиги 26,4 км ни ташкил этувчи Амир Темур, Алишер Навои, Шота Руставели ва Тараққиёт каби марказий кўчалар бўйлаб трамвай йўлларини демонтаж қилишни якунлаш режалаштирилган. Июнь ойининг ўртасига келиб, демонтаж қилинган участкаларда йўл қопламаси тикланиши керак.

Реконструкция ишлари анчадан буён фойдаланилмай ётган трамвай линияси демонтаж қилинган Боғишамол кўчасини ҳам қамраб олади.  

Тошкент транспорт инфратузилмасини қуриш ва реконструкция қилиш ишларини молиялаштириш маҳаллий бюджетнинг ўтган йилдан қолган эркин маблағлари, 2011 йил давомида бюджет даромадлари прогнозини ошириб бажаришдан тушган маблағлар, зарурат туғилганида республика бюджети маблағлари ҳамда хайрия маблағлари ҳисобига амалга оширилади. Ажратилган маблағлардан мақсадли ва самарали фойдаланишни назорат қилиш Молия вазирлигига юклатилган.

Пойтахт транспорт инфратузилмасини такомиллаштириш доирасида “Паркент универсал савдо мажмуаси” қурилиш материаллари бозори Тошкент халқа автойўли ташқарисига кўчирилиши режалаштирилганини ҳам қўшимча қиламиз.

Бўшатилган ҳудудларда кейинчалик авторанспорт воситаларини вақтинчалик сақлаш жойини кенгайтириш режалаштирилган. Қурилиш бозорини қайта жойлаштириш муддатлари ҳозирча аниқ эмас.

Шархлар

Оставлять комментарии могут только зарегистрированные пользователи

Эълонлар доскаси