Ўзбекистон бензин ишлаб чиқаришни қисқартирди

Отправить другу   Версия для печати

Ўтган йили Ўзбекистонда бензин ишлаб чиқарилиши 10,9% га қисқариб, қарийб 1,4 млн.тоннани ташкил этди.

Ўзбекистон Давлат статистика қўмитаси берган маълумотларга кўра 2010 йилда мамлакатда 1,443 млн.тонна бензин ишлаб чиқарилган, бу 2009 йилга қараганда 10,9% га кам. Шунингдек, республикада дизель ёқилғисини ишлаб чиқариш ҳам камайди. Ўтган йил якунлари бўйича Ўзбекистонда 1,125 млн.тонна дизель ёқилғиси ишлаб чиқарилган бўлиб, бу 2009 йилги кўрсаткичга қараганда 13,6% га кам. Ушбу манзара фонида нефт ва газ конденсатини қазиб олиш ҳам 17,8%га, яъни 3,7 млн.тоннагача қисқаргани мантиқий кўринади.

Шу билан бирга суюлтирилган ва табиий газ ҳамда мотор мойини ишлаб чиқариш ишлари деярли олдинги даражада сақланиб қолинди. Жумладан, мамлакатимизда 245,7 минг тонна суюлтирилган (99,8%) ва 60,111 млрд.куб метр табиий газ (97,9%) ҳамда 61,9 минг тонна мотор мойи (98,3%) ишлаб чиқарилган.

Эслатиб ўтамиз, ўтган йил якунида Ўзбекистонда бензин ва дизель ёқилғиси учун янги нархлар тасдиқланганди. Хусусан, 10 декабрдан бошлаб, нархлар Аи-80 маркасидаги автобензиннинг бир литри учун 1260 сўмни, Аи-91, А-92 ва Аи-93 учун – 1410 сўмни, Аи-95 учун – 1580 сўмни, дизель ёқилғиси учун – 1260 сўмни, ЭКО дизель ёқилғиси учун – 1315 сўмни ташкил этган. Бундан ташқари, 2011 йилнинг 1 январидан бошлаб мамлакатда транспорт воситаларига бензин, дизель ёқилғиси ва сиқилган газ истеъмол қилувчи жисмоний шахслар учун солиқ ставкаси 30 сўмга ошган.

Манба: podrobno.uz

Шархлар

Оставлять комментарии могут только зарегистрированные пользователи

Эълонлар доскаси