Ўзбекистон автосаноати оғир техника ишлаб чиқаришини оширмоқда

Отправить другу   Версия для печати

Ўзбекистонда 2010 йилда 832 та юк машинаси, 1268 та автобус ҳамда автомобилларга 190,9 миллиард сўмлик бутловчи қисмлар ишлаб чиқарилган.

Ўтган йили Ўзбекистон автомобил саноати корхоналари 832 та юк машинаси (2009 йилга қараганда ўсиш 15,2%), 1268 та автобус (камайиш 3,7%) ҳамда автомобилларга 190,9 миллиард сўмлик бутловчи қисмларни (ўсиш 9,7%) ишлаб чиқарган. Шунингдек, мамлакатда 603,4 минг кв.м тобланган автомобил ойнаси ишлаб чиқарилган.

Бугунги кунда юк машиналари ва автобусларни Самарқанд автомобил заводи ва JV MAN Auto – Uzbekistan ишлаб чиқаради. Тошкентда Mercedes-Benz автобусларини ишлаб чиқаришини фойдаланишга топшириш тайёрланаётгани ҳақида ҳам унутмаслик зарур, завод лойиҳа қувватига ўтганидан кейин 600 та автобус ишлаб чиқара бошлайди. Юқорида қайд этилган иккита корхона вакилларининг сўзларига кўра, яқин йиллар ичида автобус ва юк машиналарининг ишлаб чиқарилиши фақат ошади. Хусусан, Самарқанд автозаводи бу йил ишлаб чиқаришни 2650 донагача етказишни режалаштирган бўлиб, улардан 850 таси юк машинаси, 1800 таси – автобуслардир. Ўз навбатида, JV MAN Auto – Uzbekistan корхонаси 2011 йилда 800 дан зиёд техникани ишлаб чиқариш ниятида.

Ўзбекистонда енгил автомобиллар ишлаб чиқариши ҳам ўсганини қайд этиш жоиз. Ўтган йил якунлари бўйича мамлакатда 217,7 мингга яқин автомобил ишлаб чиқарилган, бу 2009 йилга қараганда 6,2% га кўп. Бундан ташқари, ўзбек автомобилларининг бошқа мамлакатларга, хусусан Россияга экспорти ҳам ошган. У ерда ўтган йили GM Uzbekistan заводида ишлаб чиқарилган 74419 та автомобил сотилган. 2009 йилдаги сотилган 51414 та автомобиль билан солиштирганда 2010 йилда Россияда ўзбек автомобилларининг савдоси 45% га ошган.

Умуман олганда, Ўзбекистон 2015 йилгача ҳар йили ишлаб чиқариладиган енгил автомобиллар сонини 1,5 бараварга ошириб, 260 мингга етказишни, автобуслар ва юк машиналарини 1,3 бараварга ошириб, 3,2 мингга етказишни режалаштирмоқда. Жорий йилда эса ишлаб чиқариладиган автомобиллар сонини 225 минггача, автобус ва юк машиналари сонини – 2,7 минггача етказиш, 2012 йилда – 235 минггача ва шунга мос равишда 2,9 минггача етказиш, 2013 йилда – 245 минггача ва 3 минггача етказиш, 2014 йилда – 250 минггача ва 3,1 минггача етказиш, 2015 йилда – 260 минггача ва 3,2 минггача етказиш мўлжалланган. 

Манба: podrobno.uz

Шархлар

Оставлять комментарии могут только зарегистрированные пользователи

Эълонлар доскаси