Ўзбекистон автосаноатига катта маблағлар йўналтирилади

Отправить другу   Версия для печати

2011-2013 йилларда Ўзбекистонда автомобил саноати ривожига 800 миллион доллар миқдорида сармоя йўналтирилади.

Экспертларнинг ҳисоб-китобларига кўра, янги объектлар қурилишига 538 миллион доллар маблағ сарфланади. Маблағларнинг асосий қисмини, яъни $303 миллионга яқинини “Ўзавтосаноат” уюшмаси, $14,9 миллионни – Ўзбекистон тикланиш ва тараққиёт жамғармаси, $173,1 млн.ни тижорат банклари ва $57,9 млн.ни – хорижлик сармоядорлар ажратади.    

Автомобил двигателларини ишлаб чиқариш бўйича янги GM Powertrain Uzbekistan заводининг қурилиши республика автосаноатининг энг йирик лойиҳасига айланади. Дастлабки маълумотларга кўра, уни жорий йилнинг сентябрь ойида фойдаланишга топшириш ва йил охиригача заводда 2 мингга яқин двигатель ишлаб чиқариш режалаштирилган. Завод тўлиқ қувватга ўтганидан кейин 225-270 дона автомобил двигателини ишлаб чиқаришга қодир бўлади. Лойиҳанинг умумий қиймати $521 млн.

Бундан ташқари, фаолият юритаётган корхоналарни модернизация қилиш ва тиклаш ишларига $261,2 млн. йўналтирилади. Хусусан, бу йил Тошкентда “Мерседес-Бенц” шассилари базасида сиғими катта автобусларни ишлаб чиқаришни бошлаш режалаштирилган. Ҳар йили мамлакатда 600 га яқин шундай автобуслар ишлаб чиқарилади.

Шунингдек, мутахассислар ва истеъмолчиларнинг эътибори шу йилдан бошлаб амалга оширилиши кўзланаётган автосаноатнинг иккита лойиҳасига қаратилган.  Хусусан, келаси йили сиқилган табиий газда ишлайдиган «Ласетти» моделини ишлаб чиқаришга ўзлаштириш ишлари якунланади, йилига 5 мингга яқин бундай машина ишлаб чиқарилади.  2013 йилда эса «Нексия» синфига мансуб янги моделдаги енгил автомобиллар ишлаб чиқарилиши бошланади. GM Uzbekistan заводи лойиҳа қувватига ўтганидан сўнг ҳар йили 100 мингга яқин автомобил ишлаб чиқарилиши режалаштирилган. Иккала лойиҳанинг умумий қиймати $139 млн.дан ошади.

Умуман Ўзбекистонда 2015 йилга қадар ишлаб чиқариладиган енгил автомобиллар сонини 1,5 бараварга ошириш ва уни 260 минггача етказиш, автобус ва юк машиналари ишлаб чиқаришини эса 1,3 бараварга ошириб, 3,2 минггача етказиш кўзда тутилган.

Манба: podrobno.uz

Шархлар

Оставлять комментарии могут только зарегистрированные пользователи

Эълонлар доскаси