Peugeot 207 Европадаги энг ишончли автомобил сифатида тан олинди

Отправить другу   Версия для печати

Peugeot 207 модели Европада ишлатилган автомобиллар орасида энг  ишончлиси деб тан олинди. Ушбу маълумотлар Британиянинг Warranty Direct суғурта компанияси томонидан ўтказилган тадқиқот натижалари бўйича олинган.

Энг ишончли автомобилларни аниқлаш учун компания экспертлари бузилишлар тезлигини ва уларни бартараф этиш учун кетадиган харажатларни ҳисобга олувчи рейтингни тузиб чиқишди. Шу тарзда Warranty Direct мутахассислари Европада ишлаб чиқарилганига 3-7 йил бўлган машиналарнинг 20 мингдан зиёд суғурта полисларини таҳлил қилиб чиқишди ҳамда автомобил соҳибларининг ўз транспортларини таъмирлаш учун дилерлик марказларига мурожаат этиш сабабларини солиштириб кўришди.  

Тадқиқот натижасида бир йилда Peugeot 207 машиналарининг ўртача олти фоизи, яъни 17 та автомобилдан биттаси ишдан чиқиши аниқланди. Warranty Direct компаниясида қайд этишларича, ушбу модель 2007 йилда тақдим этилганлиги боис, экспертлар фақат уч йил учунгина кафолат таъмири бўйича статистикани йиға олишган. Peugeot 207 ни таъмирлаш учун кетадиган ўртача нарх Буюк Британияда 331,92 фунт стерлингни ташкил этган.

Ишончлилик борасида иккинчи ўринни Fiat Panda автомобили эгаллади — ушбу авто соҳибларининг 14 фоизга яқини кафолат ҳолатига тушмаган бузилишлардан шикоят қилган. Ишончли автомобиллар бешталиги Peugeot 206 CC (бузилишлар 17%, таъмирлашнинг ўртача қиймати 185,4 фунт стерлинг),VW Polo (18 фоиз, 190,48 фунт)  ва  Renault Clio (21 фоиз, 173,40 фунт) автомобиллари билан якунланади.

Энг ишончсиз машиналар сифатида Mercedes-Benz SL (мурожаатлар миқдори 47 фоиз, таъмир қиймати – 742,1 фунт стерлинг), Range Rover (53 фоиз, 499,43 фунт), Renault Espace (54 фоиз, 491,26 фунт), Mercedes-Benz S-Class (47 фоиз, 505,22 фунт) ва BMW 7-Series (45 фоиз, 514,4 фунт) автомобиллари тан олинган. Шунингдек, Warranty Direct компаниясида мазкур моделлар орасида таъмирлашнинг энг юқори қиймати BMW “етти” да қайд этилганини таъкидлашди, у 7239 фунт стерлингни ташкил этган.

Манба: auto.lenta.ru

Шархлар

Оставлять комментарии могут только зарегистрированные пользователи

Эълонлар доскаси